राष्ट्रपतिलाई ज्ञापनपत्र

प्रसारण तथा प्रकाशनका निम्ति हािर्दक अनुरोधसहित : राष्ट्रपतिलाई ज्ञापनपत्र

काठमाडौं, १० माघ २०६६ – राष्ट्रपति डा. रामवारण यादवले राष्ट्रिय एकताका निम्ति सबै जातजातिको पहिचान आवश्यक रहेको बताउनु भएको छ । 'किरात येले संवत्'लाई राष्ट्रिय संवत् घोषणा गर्न मागसहित ज्ञापनपत्र बुझाउँन पुगेको प्रज्ञ बैरागी काइँलाको नेतृत्व टोलीसित उक्त विचार व्यक्त गर्नु भएको हो ।

'यो देश नेपाल सवैको साझा हो', जाति, भाषा, संस्कृति, धार्मिक विविधताको उल्लेख गर्दै उहाँके भन्नुभयो - 'हाम्रो विविधतामा एजता खोजिनुपर्छ ।' आइतबार शितलनिवासस्थित आफ्नै कार्यालयमा ज्ञापनपत्र बुझ्दै राष्ट्रपतिले प्रतिक्रिया दिनु भएको हो ।

त्यस अवसरमा राष्ट्रपति यादवले सबै जातिको पहिचान, अस्तित्वलाई बचाउँदै मुलुकलाई वैज्ञानिक ढुंगले राज्यको पुन:संरचना हुनुपर्नेमा जोडदिनु भएको छ । अबको मुलुक समावेशी, समानुपातिक बनाउन सरकार र संविधानसभाको ध्यानाकर्षन गराउने राष्ट्रपति यादवको भनाइ उधृतगर्दै संयोजक काइँलाले बताउनु भएको छ ।

इतिहासमा उल्लेखित पहिलो किरात राजा यलम्बर हाङको स्मृतिमा 'किरात येले संवत्' समुदायमा प्रचलनमा रहेको छ । उहिले किरात येले संवत् ५०७० मानिआएका छन् । काइँलाले यो संवत् आधिकारिकताका निम्ति विज्ञहरूमाझ अनुसन्धानको काम भइहेकोसमेत जनाउनु भएको छ ।

टोलीमा किरात येले संवत् अध्ययन समन्वय समिति, किरात समन्यव समिति, किरात सुनुवार सेवा समाज, किरात याक्खा छुम्मा, किरात याक्थुङ चुम्लुङ र किरात राई यायोक्खाका प्रतिनिधि संलग्न थिए ।

गणेश राई
सदस्य, किरात येले संवत् अध्ययन समन्वयन समिति
फोन : ९८४१२५६४८८
तस्बिर : इन्द्रबहादुर राई (विश्वका सर्वोच्चशिखर आरोही प्रथम किरात)

अरु